ZERGATIK IREKIA IZAN?

ZERGATIK IREKIA IZAN?

Etengabe eraldatzen eta eboluzionatzen ari den gizarte batean bizi gara. Honen adibide argia dira mugikorrak. Orain dela urte gutxi deiak burutzeko helburuarekin sortu ziren aparailuak, gaur egun deiak burutzeaz gain, beste edozer egiteko aukera ematen digute. Mugikorrei esker, momentu oro konektatuta bizi gara eta eskuragarri ditugu hainbat baliabide eta informazio. 

Honek eguneroko bizitzarako zein arlo profesionalerako abantaila ugari ekarri dizkigu, baina era berean zenbait arazo ere suposatu ditu, adibidez mundu digitaletik at geratzeko arriskua. Hasiera batean txorakeri bat zirudiena, arazo larri bihurtu da hainbat jenderentzat, izan ere teknologia berrietara ireki ez izatea kasu askotan hilda egotearen pareko kontsideratu daiteke.  Honetaz aparte, lan munduan ere geroz eta garrantzi gehiago izaten ari da langileek konpetentzi digitalak izateak, eta ondorioz hezkuntzako arloarentzat zeregin bat gehiago agertu da.

Honekin erlazionaturik, DIGCOMP Europar markoaren barnean 5 atal definitu ziren interneten dagoen informazio eskuragarri eta ez-eskuragarriarekiko  izan beharrezko baimen eta ezaugarriak definitzeko helburuz:

Pertsonalki, hezkuntzan digitalki irekia izateak hainbat abantaila dituela deritzot, izan ere dokumentazioa prestatzerakoan, ariketak burutzerakoan eta beste zenbait kasutan sarean informazioa eskuragarri izateak lan mordoa aurreratzea suposatzen du. Honetaz gain, bakarkako lanarekin soluzioa bilatzea suertatzen den sakotan, beste batzuek burututako lana oso lagungarri izaten da askotan. Eragin negatiboari dagokionean, iruditzen zait  sarera igotzen den informazioak inolako mugarik ez kontrolik ez izateak, askotan arazoak eta txarto ulertuak ekartzen  dituela, edonork idatzi baitezake iruditzen zaiona ondo zein txarto egon.

Azken urteetan, etengabe ari zaizkigu erreminta berriak integratzen gure egunerokoan lagungarri izango zaizkigulakoan, naiz eta askotan ezjakintasunak ez utzi bere potentzial guztia ateratzen. Hau horrela den harren, nire egunerokoan saiatzen naiz posible den einean interesgarri iruditzen zaizkidan aplikazio eta softwareak ezagutzen eta erabiltzen. Honen adibide da Google-len Drive, non egunerokorako behar dudan dokumentazioa gordetzen dudan eta ikasleen eskutara uzten dudan behar dutenerako. Honetaz gain, ikasleek egin beharreko lanak Drive bitartez burutu eta entregatzeko eskatzen diet, zenbaitetan galdu izan dituzten Pendrivekin arazoak izan baititut.

Bukatzeko, sarean dagoen informazio mugagabea nolabait kudeatu behar da, gero eta dokumentazio gehiago baldin baitago eta kontrolatu ezean erabilgarritasuna galtzera irits baitaiteke. Hau dela eta, europear ikerle eta aditu batzuen artean goian definitu ditudan 5 arloak definitu zituzten marko egokia eraikitzeko. Lehenengoa mantentzeari dagokiona da eta guztiz beharrezko ikusten dut, izan ere dagoen informazio baliagarri mantendu beharra dago. Hori bai, aurretiaz iruditzen zait 5S-etako lehen atalean definitzen den antzera, lehenik eta behin baliagarria dena ez denetik bereizi beharko litzateke. Bigarren eta hirugarren arloak, berrerabiltzeari  eta egokitzeari dagozkionak, nahitaezkotzat jotzen ditut. Zeren eta informazioa bakoitzak bere beharrizanetara egokitzea beharrezko da  baina horretarako materiala berrerabiltzeko aukera izan behar da. Honetaz gain denborak eragindako aldaketak direla eta berriste prozesu bat jasan behar du informazioak dagokion garaira egokitzeko.

Azkeneko bi arloak birkonbinatzea eta birbanaketa dira. Bietako lehena etengabeko konbinazioari dagokiona da eta garrantzitsua iruditzen zait pertsona desberdinen lanekin material aberasgarriagoa burutzea posible egiten delako. Birbanaketa ere arlo ezinbestekoen artean aukeratua dutela iruditzen zait, sorturiko dokumentazio guztia ez daiten edonoren eskuragarri egon egileak ere eskubide pribatu batzuk izan ditzan. Hau da, bakoitzak erabakitzeko aukera izan beharko luke zer nahi duen gainontzekoen eskuragarri jarri eta zer ez.